1. Kartına ilk PIN-kodu təyin etmək üçün https://reg.azericard.com/pin_vtb/ linkinə keç. Tələb olunan kart məlumatlarını (kartın nömrəsi, qüvvədə olma müddəti və CVV) daxil et və “PIN-kodu təyin etmək” əməliyyatını seç. Sonra mobil telefona rəqəm və simvollardan ibarət SMS gələcək (**121212**). Təyin ediləcək kodu (misal üçün 4545) müvafiq xanaya ulduz işarələrini əvəz etmək şərti ilə bu şəkildə (4512121245) daxil et. “OK” düyməsini basaraq təsdiqlə. Təbrik edirik! Çalış yeni PIN-kodunu yadda saxla!

2. Kartın PIN-kodunu unutmusansa, onu dəyişmək üçün ilk növbədə bankın 986 qısa nömrəsi ilə əlaqə saxlayıb sıfırlamaq gərəkdir. Daha sonra yeni PIN-kodu təyin etmək 1-ci bənddəki üsuldan və ya ATM-dən istifadə edə bilərsən. Bankomatlarımıza yaxınlaşaraq kartı daxil et, ekranın sol küncündən PIN SET xidmətini seç. Mobil telefonuna gələn birdəfəlik şifrəni daxil et, sonra kartın yeni PIN-kodunu yığ, bir daha daxil edib təsdiqlə.

3. Unudulmuş PIN-kodu, həmçinin POS-terminal üzərindən də dəyişmək mümkündür. Bunun üçün bankın istənilən filialına yaxınlaş və kassada yeni PIN-kod yarat. PIN SET funksiyasını dəstəkləməyən kart sahibləri PIN-kodu sıfırlamaq üçün 986 qısa nömrəsi ilə əlaqə saxlayıb məlumat təqdim etməlidirlər. PIN-kodun silinməsi üzrə komissiya bankın tariflərinə əsasən tutulur.