VTB (Azərbaycan) respublikanın xalq artisti Müslüm Maqomayevin doğum gününə həsr olunmuş uşaq yaradıcılığı festivalının baş sponsoru kimi çıxış edib. Tədbir Rusiyanın Bakıdakı səfirliyində baş verib. Burada 70-dən çox sağlamlıq imkanları məhdud uşaq iştirak edib.
Festivalın təşkilatçısı «Analıq və Uşaqlara Dəstək Mərkəzi – “Həyat mənbəyi”» olub. Tədbirin əsas məqsədlərindən biri sağlamlıq imkanları məhdud uşaqların böyüdüyü ailələrinə dəstək olmaq, onların inkişafına və özünü reallaşdırmaq üçün əlverişli şəraitin yaradılması olub.
«VTB (Azərbaycan) sosial məsuliyyətinin bir hissəsi olaraq bu gün ölkədə uşaq idmanının və yaradıcılığının inkişafına fəal dəstək verir. Bu il biz aztəminatlı ailələrin uşaqları üçün yay düşərgəsinin təşkilinə qoşulduq, uşaq evinin uşaqları üçün əyləncəli maarifləndirici layihə keçirdik və s. Biz Azərbaycanın böyük sənətkarının doğum günü şərəfinə keçirilən və sağlamlıq imkanları məhdud uşaqların inkişafına yönəlmiş əlamətdar tədbirin bir hissəsi olmaqdan məmnunuq», - deyə VTB (Azərbaycan) İdarə Heyətinin üzvü, Pərakəndə Biznesin İnkişafı Departamentinin direktoru Yevgeni Borodin festivalın açılışında qeyd etdi.
Xatırladaq ki, bundan əvvəl VTB (Azərbaycan) idman meydançasında sənət əsərinin yaradılmasına yönəlmiş yeni unikal “Basketbol meydançasını sənət əsərinə çevirin” layihəsini dəstəkləmişdi. Qalib dizayn Red Bull Half Court beynəlxalq basketbol turnirinin bir hissəsi olacaq.
Leave your FIN code and mobile number and we will call back to you
