Menyu

Close
ATM və Filiallar
Fərdi
Biznes

VTB (Azərbaycan) nağd kredit üzrə faiz dərəcəsini 13.99%-ə endirdi

VTB (Azərbaycan) nağd pul kreditləri və yenidən maliyyələşdirmə şərtlərini yaxşılaşdırıb. Minimal faiz dərəcəsi 0,51 faiz bəndi azalaraq indi illik 13,99% təşkil edir. Son rübdə bu, VTB kreditləri üzrə şərtlərin ikinci yaxşılaşmasıdır.

VTB (Azərbaycan)-dan nağd krediti 300 manatdan 30 000 manatadək 6 aydan 60 aya qədər müddətə əldə edə bilərsiniz. Yenidən maliyyələşdirmə proqramı çərçivəsində digər banklardan alınan bir neçə krediti birləşdirə, onlar üzrə olan borcu ödəyə, həmçinin əlavə vəsait əldə edə bilərsiniz. Krediti almaq üçün yalnız şəxsiyyət vəsiqəsini təqdim etmək kifayətdir, gəliri və məşğulluğu təsdiq edən sənədlər, habelə zamin tələb olunmur.

“Nağd pul kreditləri müştərilər arasında ən populyar bank məhsullarından biri olaraq qalır, çünki onlar istənilən məqsədlərə və qısa müddətdə borc vəsaitlərini əldə etməyə imkan verir. May ayında tarifləri tənzimlədikdən sonra yayın ilk ayında bu seqmentdə tələbin artdığını qeyd edirik ki, bu da mövsümilik ilə bağlıdır. İndi aktiv tətil vaxtı, şəhərətrafı daşınmaz əmlakın alınması, təhsil müəssisələrinə qəbula hazırlıq davam edir. Buna görə də biz istehlak kreditləri üzrə şərtlərimizi bir daha yeniləmək qərarına gəldik, faiz dərəcəsini illik 13,99%-ə endirərək. Amma hətta kreditlərin dəyərinin azalmasını nəzərə alsaq belə, müştərilərin üzərinə ciddi borc yükü düşməməsi bizim üçün vacibdir və biz bunu diqqətlə izləyirik”, - deyə VTB (Azərbaycan)-ın Pərakəndə Biznesin İnkişafı Departamentinin direktoru Yevgeni Borodin bildirib.

2022-ci ilin yanvar-iyun aylarında VTB (Azərbaycan) 27.6 milyon manat məbləğində 5.5 mindən çox nağd pul krediti verib ki, bu ötən ilin müvafiq dövrü ilə müqayisədə 1.8 dəfə çoxdur. Bankın bu seqment üzrə portfeli ilin əvvəlindən 25% artaraq iyunun sonunda 66.6 milyon manat təşkil edib.

Nağd pul krediti üçün bankın rəsmi saytından, eləcə də 986 qısa nömrəli əlaqə mərkəzi vasitəsilə məsafədən müraciət edə bilərsiniz. Kredit Bakı şəhəri və Abşeron yarımadası daxilində müştəri üçün əlverişli olan istənilən ünvana çatdırılır.

get->call): ?>

Zəng sifarişi forması

Ad

Əlaqə nömrəsi