VTB (Azərbaycan) tərəfindən bazar günü məktəbində təhsil alan uşaqlar üçün ənənəvi “Yay düşərgəsi” artıq altıncı dəfə təşkil olunub. Bu il düşərgə 2–3 sentyabr tarixlərində Azərbaycanın cənub bölgəsində – Lənkəran şəhərində, Rus Pravoslav Kilsəsinin Bakı-Azərbaycan Yeparxiyasının protoiyereyinin iştirakı ilə keçirilib.
İki gün davam edən düşərgə çərçivəsində uşaqlar üçün həm əyləncəli, həm də maarifləndirici müxtəlif fəaliyyətlər təşkil olunub. Proqrama intellektual və idman oyunları, komanda fəaliyyətləri, eləcə də uşaqların dünyagörüşünün və yaradıcılıq bacarıqlarının inkişafına yönəlmiş maarifləndirici ustad dərsləri daxil edilib.
Düşərgə uşaqlara həmyaşıdları ilə ünsiyyət qurmaq, yeni dostlar qazanmaq, komanda şəklində fəaliyyət göstərmək və asudə vaxtlarını maraqlı keçirmək üçün gözəl imkan yaradıb. Zəngin proqram iştirakçılara yeni bilik və bacarıqlar qazandırmaqla yanaşı, onlara xoş xatirələr və unudulmaz anlar bəxş edib.
Tədbirin sonunda bütün uşaqlara xatirə hədiyyələri təqdim olunub. Bu, iki gün ərzində davam edən maraqlı və rəngarəng düşərgə proqramının xoş yekunu olub.
Leave your FIN code and mobile number and we will call back to you
