VTB (Azərbaycan) aztəminatlı ailələrdən olan uşaqlar üçün təlim təşkil edib

Bank VTB (Azərbaycan) Uşaqların Beynəlxalq Müdafiəsi Günü münasibətilə aztəminatlı ailələrin uşaqları üçün təlim təşkil edib.

Tədbir sosial cəhətdən əlverişsiz şəraitdə yaşayan əhaliyə dəstək üzrə ixtisaslaşmış GİD CSR Consulting şirkəti ilə birgə keçirilib.

Uşaqlar üçün təlim “Стоп Угроза” təhlükəsizlik məktəbi tərəfindən keçirilib. Təlim zamanı uşaqlara küçədə və internetdə baş verən təhlükəli situasiyalara düzgün və əsaslı şəkildə reaksiya vermə yolları göstərilib.

Tədbir zamanı həmçinin uşaqlar üçün “Gələcəyə Məktub” adlı ustad dərsi təşkil olunub və Face Art sessiyası keçirilib.

Tədbirdə çıxış edən VTB (Azərbaycan)-ın Pərakəndə Biznesin İnkişafı Departamentinin direktoru Yevgeni Borodin tədbir iştirakçılarını Uşaqların Beynəlxalq Müdafiəsi Günü münasibətilə təbrik edib:

“Uşaqların həmişə bizim müdafiəmizə ehtiyacı var. Müasir dünyada biz xüsusilə uşaqlığı dağıdıcı hər şeydən: laqeydlikdən və qəddarlıqdan, lazımsız məlumatlardan və erkən yetkinləşmədən, müharibələrdən və ciddi xəstəliklərdən qorumaq istəyirik. Bu gün biz bunu bir daha xatırlamaq istəyirik. Axı, yalnız biz böyüklər uşaqlığı parlaq və qayğısız edə bilərik. Qoy hər bir uşaq özünü qorunan, lazımlı, sevilən və xoşbəxt hiss etsin!”