Bank VTB (Azərbaycan)-dan yeni mobil əlavə - VTB eToken


20 December 2016

Bank VTB (Azərbaycan) VTB Online internet bankinq xidmətinə dəstək üçün VTB eToken adlı yeni mobil əlavəsini müştərilərinin xidmətinə verib. VTB eToken fasiləsiz olaraq hər 60 saniyədən bir birdəfəlik parollar yaradan əlavədir. Bu parolları daxil etməklə, müştəri öz internet bankinq səhifəsinə daxil olur və tranzaksiya əməliyyatlarını təsdiqləyə bilir.  

Yeni əlavə tətbiq olunanadək avtorizasiya və tranzaksiyaların təsdiqlənməsi üçün bankın müştəriləri mobil telefona gələn SMS-xəbərdarlıq vasitəsi ilə aldıqları birdəfəlik paroldan istifadə edir və ya Asan İmza elektron imzanı daxil edirdi. Yeni əlavə hesabına müştərilərin seçimi artmış və indi istifadəçilər VTB eToken, SMS-xəbərdarlıq və ya Asan İmza avtorizasiya üsulundan birini seçə bilər.

İstifadə etmək üçün VTB eToken əlavəsini Google Play-dən və Apple Store-dan Android və ya iOS bazalı mobil qurğuya quraşdırmaq kifayətdir. VTB eToken istifadəçinin internet bankinqi ilə sinxronlaşdırıldıqdan sonra, əlavə avtomatik şəkildə parollar yaratmağa başlayır. VTB eToken əlavəsi offline rejimdə çalışdığından parol əldə etmək üçün internet bağlantısı tələb olunmur. Eləcə də, əlavənin işləməsi üçün mobil şəbəkə dəstəyi tələb olunmadığından telefon şəbəkə xaricində olduqda belə (o cümlədən ölkədən kənarda) əlavədən istifadə etmək mümkündür.  

VTB eToken istifadə və sinxronlaşdırma qaydası ilə linkdəki qısa video-təlimatdan tanış olmaq mümkündür http://ru.vtb.az/internet_banking/login/.

İnnovativ əlavənin tətbiqi ölkənin yüksək texnologiyalı korporativ bankına çevrilməyi qarşısında əsas məqsəd qoyan bank VTB (Azərbaycan)-ın strategiyasına uyğundur. Bu strategiya çərçivəsində bank yaxın zamanlarda mobil bankinqin tətbiqini planlaşdırır.

Geriyə

 

18.07.2014  

Bank VTB (Azərbaycan) cari ilin birinci yarısının yekunları üzrə hesabat verdi

 

        Bank VTB (Azərbaycan) 2014-cü ilin birinci yarısında görülmüş işlərin yekunları üzrə hesabat vermişdir: iyulun 1-nə bankın kredit portfelinin həcmi 215,985 mln manata çataraq ötən ilin müvafiq dövrünün göstəricilərini demək olar ki, iki dəfə üstələmişdir. Əhalinin əmanətlərinin həcmi ötən ilin müvafiq dövrü ilə müqayisədə 90%-dan çox artaraq 6,3 mln manata çatmışdır.

        Bankın aktivləri iki dəfə artaraq 229,699 mln manata çatmışdır. Bankın məcmu kapitalı 47,837 mln manat olmuşdur. Gəlirlər 2,5 dəfə artaraq 20, 257 mln manata çatmış, bu zaman faiz gəlirlərinin artımı 167%, qeyri-faiz gəlirlərinin artımı isə 23 % olmuşdur.

        Bank VTB (Azərbaycan) ASC-nin İdarə Heyətinin üzvü, Maliyyə departamentinin direktoru İlqar Novruzov: “Bizim kreditləşmə bazarında mövqeyimiz möhkəmdir və cari ilin birinci yarısının göstəriciləri buna sübutdur. Həmçinin, korporativ kreditləşmə sahəsində də mövqelərimizi gücləndirmişik. Biz həmişəki kimi kiçik və orta biznes seqmenti ilə aktiv işi davam etdiririk. Bu da öz növbəsində ölkənin iqtisadiyyat sahələrinin inkişafında müsbət təsirə malikdir”.