Bank VTB (Azərbaycan)-dan Yeni il aksiyası


1 December 2016

Yeni il ərəfəsində VTB (Azərbaycan) “Yeni il hədiyyəsi” adlı aksiyaya start verir. Aksiya çərçivəsində bank müştərilərinə pərakəndə məhsullar üzrə endirim və bonuslar hədiyyə edəcək. Aksiya 1 dekabr 2016-cı ildə başlayır və 31 yanvar 2017-ci ildə başa çatır.

Bu müddət ərzində fərdi bank seyflərini icarəyə götürən müştərilər əhəmiyyətli endirim əldə edəcək. Belə ki, seyflərin ölçüsü və icarə müddətindən asılı olaraq endirim 50%-dən çox olacaq. İcarənin maksimal müddəti 12 aydır.

 Manatla depozit açan müştərilər bankın mövcud faiz dərəcələrinə əlavə +1% əldə edəcək. Milli valyutada olan depozit üzrə illik faiz dərəcəsi müddətdən və faizlərin ödənişinin şərtlərindən asılı olaraq 18%-dək artacaq.

Yeni il aksiyası dövründə bank “Depozit girovlu kredit” məhsulu üzrə də yeni şərtlər təklif edir. Kreditin faiz dərəcəsi depozit müqaviləsinin illik faizinin +2% təşkil edir. Qeyd edək ki, standart şərtlərə əsasən, kreditin faiz dərəcəsi depozitin illik faiz dərəcəsinə +4% təşkil edir.

“Zolotaya Korona”, “Blizko”, “Contact”, “Monex” pulköçürmə sistemləri vasitəsi ilə 1000 manatdan (və ya valyuta ekvivalenti) artıq pul vəsaiti göndərən və alan müştərilərə bank 1 il müddətinə pulsuz Visa  Classic (və ya Visa Electron) debet plastik kartı hədiyyə edəcək.

 “Paket sığorta” məhsulu çərçivəsində ”KASKO” sığorta paketi alan müştərilər hədiyyə olaraq 1 illik Visa Gold debet kartı qazanacaq.

 Daha ətraflı məlumatı  24 saat xidmət göstərən 986 nömrəli Çağrı Mərkəzindən almaq mümkündür.

 


Geriyə

 

18.07.2014  

Bank VTB (Azərbaycan) cari ilin birinci yarısının yekunları üzrə hesabat verdi

 

        Bank VTB (Azərbaycan) 2014-cü ilin birinci yarısında görülmüş işlərin yekunları üzrə hesabat vermişdir: iyulun 1-nə bankın kredit portfelinin həcmi 215,985 mln manata çataraq ötən ilin müvafiq dövrünün göstəricilərini demək olar ki, iki dəfə üstələmişdir. Əhalinin əmanətlərinin həcmi ötən ilin müvafiq dövrü ilə müqayisədə 90%-dan çox artaraq 6,3 mln manata çatmışdır.

        Bankın aktivləri iki dəfə artaraq 229,699 mln manata çatmışdır. Bankın məcmu kapitalı 47,837 mln manat olmuşdur. Gəlirlər 2,5 dəfə artaraq 20, 257 mln manata çatmış, bu zaman faiz gəlirlərinin artımı 167%, qeyri-faiz gəlirlərinin artımı isə 23 % olmuşdur.

        Bank VTB (Azərbaycan) ASC-nin İdarə Heyətinin üzvü, Maliyyə departamentinin direktoru İlqar Novruzov: “Bizim kreditləşmə bazarında mövqeyimiz möhkəmdir və cari ilin birinci yarısının göstəriciləri buna sübutdur. Həmçinin, korporativ kreditləşmə sahəsində də mövqelərimizi gücləndirmişik. Biz həmişəki kimi kiçik və orta biznes seqmenti ilə aktiv işi davam etdiririk. Bu da öz növbəsində ölkənin iqtisadiyyat sahələrinin inkişafında müsbət təsirə malikdir”.