Bank VTB (Azərbaycan)-dan yeni xidmət – fərdi bank seyfləri


1 November 2016

Bank VTB (Azərbaycan) yeni “Fərdi bank seyfləri” məhsulu ilə qiymətli əşyaların etibarlı qorunmasını təklif edir. Bankın müştəriləri pulların, qiymətli kağızların, sənədlərin, zinət və AR qanunvericiliyi ilə qadağan olunmayan digər əşyaların saxlanılması üçün müxtəlif ölçülü seyf qutularını icarəyə götürə bilər. İcarə müddəti 1 gündən başlayır, maksimal müddət isə 12 aydır.

Bank, seyflərin tam toxunulmazlığına və mühafizəsinə zəmanət verir. Fərdi seyf qutusunda saxlanan dəyərli əşyaların təhlükəsizliyi “iki açar prinsipi” ilə (bankın açarı və müştərinin açarı) maksimal dərəcədə təmin olunur. Seyfin açarı icarəçidə və ya onun səlahiyyətli nümayəndəsində olur. Müştəri seyfdən istifadə etmək hüququnu öz nümayəndəsinə notarial qaydada təsdiqlənmiş etibarnamə əsasında verir. 

Bankın müştəriləri seyfi H. Cavid, 32 ünvanında, “Elmlər Akademiyasının” qarşısında yerləşən VTB (Azərbaycan)-ın yeni “Elmlər” filialında icarəyə götürə bilər. Əlavə məlumatı bankın saytında və ya 24 saat xidmət göstərən 986 (Azercell abunəçiləri üçün - 012 986) nömrəli Çağrı Mərkəzindən almaq mümkündür. 


Geriyə

 

18.07.2014  

Bank VTB (Azərbaycan) cari ilin birinci yarısının yekunları üzrə hesabat verdi

 

        Bank VTB (Azərbaycan) 2014-cü ilin birinci yarısında görülmüş işlərin yekunları üzrə hesabat vermişdir: iyulun 1-nə bankın kredit portfelinin həcmi 215,985 mln manata çataraq ötən ilin müvafiq dövrünün göstəricilərini demək olar ki, iki dəfə üstələmişdir. Əhalinin əmanətlərinin həcmi ötən ilin müvafiq dövrü ilə müqayisədə 90%-dan çox artaraq 6,3 mln manata çatmışdır.

        Bankın aktivləri iki dəfə artaraq 229,699 mln manata çatmışdır. Bankın məcmu kapitalı 47,837 mln manat olmuşdur. Gəlirlər 2,5 dəfə artaraq 20, 257 mln manata çatmış, bu zaman faiz gəlirlərinin artımı 167%, qeyri-faiz gəlirlərinin artımı isə 23 % olmuşdur.

        Bank VTB (Azərbaycan) ASC-nin İdarə Heyətinin üzvü, Maliyyə departamentinin direktoru İlqar Novruzov: “Bizim kreditləşmə bazarında mövqeyimiz möhkəmdir və cari ilin birinci yarısının göstəriciləri buna sübutdur. Həmçinin, korporativ kreditləşmə sahəsində də mövqelərimizi gücləndirmişik. Biz həmişəki kimi kiçik və orta biznes seqmenti ilə aktiv işi davam etdiririk. Bu da öz növbəsində ölkənin iqtisadiyyat sahələrinin inkişafında müsbət təsirə malikdir”.